وصفة بيصارة هي لي تنفع فهاد البرد.. وصفات طبخ مغربي شهيوات مغربية
بيصارة هي لي تنفع فهاد البرد
المكونات
250 غرام جلبانة يابسة
250 غرام فول يابس
6 فصوص ثوم
قليل من الملح
قليل من الحار ( سودانية )
قليل من الكامون
زيت الزيتون
ملحوظة :
ممكن تستعملو غير الجلبانة لوحدها أو الفول لوحده ماشي بالضرورة إكونو بزوج
طريقة تحضير :
نقيو الفول والجلبانة
ونغسلوهم مزيان ونعملوهم فوق النار مع الماء ،
شوية ونضيفو ليهم فصوص الثوم
والقليل من الملح
ملي يطيبو وينقص الماء نزولوهم من النار
ونضيفو القليل من الملح والكمون
ونخليوها تبرد شوية ونطحنوها
( أو ممكن تخلوها فوق النار و تبقاو تمعسوها بواسطة ملعقة كبيرة حتى تذوب)
نردوها شوية فوق النار ونزولوها
نضيفو زيت الزيتون والكمون والسودانية( إختيارية) فوق البيصارة
وصفات طبخ مغربي - وصفة طبخ مغربي - وصفات طبخ سهلة وسريعة - فن الطبخ - تعلم الطبخ – مطبخ – شهيوات مغربية - تحضير طبخ - مقادير طبخ
في النهاية نشكرك على حسن تتبعك للموضوع
راجين أن تتابع وان وورد ليصلك كل جديد
ليست هناك تعليقات:
إرسال تعليق