وصفة فخيدات دجاج محمرين بالدغميرة.. وصفات طبخ مغربي شهيوات مغربية
فخيدات دجاج محمرين بالدغميرة
الوصفة:
فخيدات دجاج كمية على حسب عدد الأفراد
نرقدهم ليلة كاملة فتشرميلة
بالنسبة لتشرميلة
معلقة خرقوم بلدي
معلقة سكينجبير
معلقة صغيرة ابزار
معلقة صغيرة هريسة
الب نصف حامضة مصيرة
5 فصوص ثوم
شوية قعقلة وبسيبيسة مطحونين
شوية زعفران الحر الى كان متوفر
3 معالق كبار زيت زيتون
قزبور و معدنوس مقطعين مزيان
نخلطو هاد مكونات ب ربع كاس ماء
ونشرملو بيه دجاج ديالنا
وناخدو شوية من شرمولة نشرملو بيه قشاوش دجاج
ونغطيو الكل وندخلوه تلاجة ليلة كاملة
ناخدو طنجرة نديرو فيها بصلة مشلضة
ونحطو دجاج ونشحرهم شوية
عاد نضيفو ماء كافي لي غيطيب لینا دجاج
غير أطيب نزولوه من طنجرة ونحطوه ف طاوة
وندهنوه بزبدة وندخلوه فران اتحمر
مرقة لي بقات لینا نصفيوها مزيان
وناخدو غير مرقة نردوها طيب مع بصلة مشلضة
و قشاوش دجاج وزيتون ونخليوها دغمر وتشرب مزيان
ملي تبقى ليا 2 دقايق نحطها نضيف ليها رأس معلقة صغيرة
ديال مطيشة الحك
هادي كتخليها كتختار وتجي بنينة بزاف
ناخدو طبق تقديم نحطو مرقة ديالنا
و نحطو من الفوق دجاج ونزينو بحامض مصير رافقتو مع سلطة
وصفات طبخ مغربي - وصفة طبخ مغربي - وصفات طبخ سهلة وسريعة - فن الطبخ - تعلم الطبخ – مطبخ – شهيوات مغربية - تحضير طبخ - مقادير طبخ - اكلات سريعة - وصفة دجاج في الفرن
في النهاية نشكرك على حسن تتبعك للموضوع
راجين أن تتابع وان وورد ليصلك كل جديد
ليست هناك تعليقات:
إرسال تعليق