وصفة كسكس تفاية بالبصلة معسلة و الزبيب couscous.. وصفات طبخ مغربي 

كسكس تفاية بالبصلة معسلة و الزبيب

 المقادير :

1كيلو ونصف من اللحم  الغنمي

كيلو بصلة

كيلو سميدة ديال الكسكس

نص كاس زيت

ملعقة سمن 

رابعة زبيب 

*سكر سنيدة لتعسال البصلة و الزبيب تقريبا شي 100 غرام او حسب الرغبة

ملعقة  قرفة مدقوقة او 2 عويدات 

لوز مقلي للتزيين 100 او 150 غ

باقة من المعدنوس و القزبر

ابزار \ ملح \ زنجبيل مدقوق \ خرقوم مدقوق

طريقة التحضير

 في القدر الخاص بالكسكس نعملو قطع اللحم مع بصلة مقطعة الزيت ثم يوضع القدر على نار معتدلة

عندما يتقلى الكل نضيف الملح و التوابل اي الابزار الزنجبيل و الخرقوم

نحرك جيدا ثم نضيف 3 لترات من الماء تقريبا

نترك باقة المعدنوس و القزبر الى الدقائق الاخيرة هي و السمن حتى يبقى المذاق فالمرق

نمر لتحضير السميدة

نضع السميدة فالقصعة و نرشوها بكاس ماء او كاس ونصف

 مع تحريكها جيدا باصابعنا حتى تبقى الحبات منفصلة و ماتكورش لينا

نهزوها غير بشوية  و نعملوها فالكسكاس

خاصنا نتاكدو اولا ان البرمة في حالة غليان حيت السميدة

و مانساوش نقفلو الكسكاس من الجوانب بشي بلاستيكة باش مايخرجش البخار منهوم

نخلوه حتى يفور 

كنعرفو انو فار من خلال البخار الكثيف لي كيتصاعد من الكسكاس

كنعاودو نحطوه فالقصعة و نرشوه بالما  مع التحراك بالصابع و فالاخير كنوضعوه فالكسكاس للمرة الثانية

كنخلوه تقريبا شي 20 دقيقة

و كنعاودو العملية للمرة الثالثة و لكن هاد المرة كنقللو كمية الماء

 و كنضيفو الملح و شوية الزيت بلدية او السمن 

و نرجعو الكسكاس كالمرات السابقة

فاش كتوجد و تصبح جاهزة كنحطوها فالفصعة و نخووها من الوسط 

ونحطو اللحم المرق 

كنزينو بالزبيب و البصل معسل

كيفية تحضير البصل المعسل والزبيب

نقطعو البصل جوانح رقيقة

نعملو معاه شوية زيت و ملح و نخلوه يتقلى مزيان

من بعد كنضيفو شوية من المرق و السكر و نخلوه يطيب و يتعسل

و اخيرا كنضيفو الزبيب و القرفة و نخلوه عدة دقائق ثم نطفيو عليه

اللوز كنوضعوه فماء غليان عدة دقائق حتى يرطاب و يسهال علينا نزولو ليه القشرة

نشفوه مزيان و نوضوه فزيت باردة ثم نقلوه

كنزينو الكسكس ديالنا بالبصل و الزبيب و نوضعو اللوز من الفوق

و بالصحة و الراحة. 

وصفات طبخ مغربي - وصفة طبخ مغربي - وصفات طبخ سهلة وسريعة - فن الطبخ - تعلم الطبخ - مطبخ 

في النهاية نشكرك على حسن تتبعك للموضوع

راجين أن تتابع وان وورد ليصلك كل جديد