جاري تحميل ... وان وورد

إعلان الرئيسية

Follow by Email

أخبار ومواضيع حصرية

إعلان في أعلي التدوينة

كتاب قرأته

رواية الجثة الثالثة كاملة لعشاق القراءة

رواية الجثة الثالثة كاملة لعشاق القراءة

رواية الجثة الثالثة كاملة لعشاق القراءة

القصة الجثة الثالثة كاملة 



سمعت صوت صويت وناس بتجري الساعه تلاته الفجر مكنتش فاهم فيه ايه صحيت اجري لقيت الباب بيخبط فتحت لقيت عم صبحي جاري

عم صبحي _ الحق يا حسام يابني شقه الاستاذ جابر اللي في الاول بتولع ومحدش عارف يدخله الباب في حاجه غريبه مش رادي يتفتح

حسام _ انتا بتقول ايه يعم صبحي طيب تعاله بسرعه ننزل

نزلت انا وعم صبحي وكان فيه ناس كتيره اوي بيحاولو يكسرو  الباب لكن مش عارفين والصوت اللي جاي من جوه الشقه مرعب صوت عذاب مسمعتش زيه قبل كده

بعد مده الباب اتكسر وكانت هنا المفاجاه ريحه وحشه اوي .. لما دخلو كانت هنا المفاجاه الكبيره الشقه بالكامل محروقه ..وللأسف عم صبحي مات هو وعياله موته وحشه

البوليس جه وحقق في الموضوع .. لكن وسط كل ده انا لمحت حاجه غريبه اوي !؟
لمحت راجل عجوز .. واقف  كان مبتسم مبتسم ابتسامة مرعبه لما دققت في ملامحه عرفت انه الساكن الجديد في الدور العاشر

انا ساكن في الدور الثالث وعم صبحي في الدور الثاني والاستاذ جابر الله يرحمه كان في الاول
كل اللي كان في العماره كنا اخوات مع بعض

عم صبحي _ مالك يا حسام يبني سرحان في ايه

حسام _ مش عارف يا عم صبحي بس صعبان عليا اوي الاستاذ جابر وعياله

عم صبحي _ الاغرب يا حسام يبني انهم مش عارفين سبب النار دي ايه

حسام _ فعلا دي حاجه تحير !؟

بعد 24 ساعه

صحيت من النوم .. علي الساعه 7 الصبح ولسه اللي حصل امبارح بليل مش عاوز يفارق بالي حاسس اني فيه سر انا مش عارفه



عديت علي عم صبحي انا متعودت كل يوم لازم اعمل الفطار لي عم صبحي اديته الفطار بتاعه  وروحت الجامعه

كان فعلا اليوم طويل اوي بعد ما خلصت محضراتي كاني خلصت سنه من عمري
قالبلت سندس

سندس البنت اللي انا بحبها  بس تقدر تقول ان لسه معترفتش بكده سميها زي ما تسميها خوف او ضعف

حسام _ ازيك ياسندس عامله

سندس _ ازيك يبني مختفي ليه رنيت عليك مش بترد

حسام  _ لا ابدا كنت نايم بس .... ها بتعملي ايه

سندس _ بجمع معلومات

حسام _ معلومات عن ايه !؟

سندس _ عن ارتباط روح الانسان بي العالم الاخر وان ممكن العالم الاخر ينفذ ليه اي حاجه يطلبها مقابل قرابين معينه وتعوايذ  في سبيل تحقق احلامه الخياليه
فاهم حاجه !؟

حسام  _ طبعا يبنتي فاهم مش ده فلم هاري بوتر الجزء التاسع

سندس _ لا مش هو

حسام _ يعني هو كان فيه جزء تاسع اصلا سلام ياسندس وبعد كده متجيش الجامعه من غير ما تاكلي ياماما خطر ده

سندس _ ماشي يا حسام لما اشوفك تاني بس

ركبت تاكس  كنت تعبان جدا عارف اني اول ما هدخل الشقه علي السرير عدل من غير كلام .. وصلت العماره  لكن لقيت حاجه غريبه اوي


شقة عم صبحي مفتوحه مش من ع
ادته انه يسبها مفتوحه
قربت من باب الشقه ونا بقول

_ عم صبحي !!!؟  عم صبحي !!؟  انتا سايب الباب مفتوح !!؟
مردش عليا

دخلت عشان اشوفه يمكن يكون نزل ونسيه مفتوح  اول ما دخلت لقيت دم !!؟
اه دم علي الارض اتخضيت ورجعت لورا


ونا بقول _ عم صبحي انتا فيييييييين

دخلت جري علي الاوضه بتاعته وهنا اتسمرت مكاني عيني ثابته علي حاجه واحده بس !!!؟
عم صبحي اتقتل !!؟
وراسه فيه مكان وهو في مكان تاني !؟

ونا مش عارف اتحرك من مكاني بس شوفت حاجه واحده بس قبل ما يغمي عليا الراجل العجوز كان واقف عند الباب ووشه كله دم
وهنا اغمي عليا 

مكان عباره عن ظلام وصوت عذاب حواليا ناس بتصرخ للدرجة اني كنت حاسس ان الارض اللي انا عليها بتتهز
وجه قدامي الراجل العجوز ده
وقالي جمله واحد بس

تسعة قرابين والثالث في الطريق شاحول شيطان الفراغ

صحيت ونا  علي سريري وحوليا كل جيراني .. ومنهم ظابط الشرطه اللي دخل عليا علطول وقال

ظابط الشرطه _ حسام انا عاوزك تحكيلي كل اللي حصل دي جريمة قتل واحنا شاكين ان اللي 
عمل كده .. هو هو اللي عمل في الاستاذ جابر اللي فيه الدور الاول




مكنتش عارف انطق مكنتش عارف اعمل اي حاجه المنظر بيتكرر مليون مره حوليا وصورة الراجل العجوز اللي في بالي .. كنت عاوز اقوله علي الراجل العجوز لكن لا

فيه سر فيه سر ولازم اعرفه .. قولتله اني مش فاكر حاجه من اللي حصلت الصدمه كانت كبيره عليا والراجل كان عزيز عليا

ولو افتكرت حاجه هكلم حضرتك
 خرجت كل الناس الموجوده وسابوني استريح ونا مش في بالي غير ان لازم اعرف الليله ايه اللي بيحصل

الكلمه الوحيده اللي بتتردد في بالي هيا قرابين !!؟

انا سمعت الكلمه دي فيييين قبل كده .....!؟

اه افتكرت سندس !؟

خرجت التلفون بتاعي ورنيت علي سندس

_ الو يا سندس انتي فين ...!!؟

سندس _ بخرط ملوخيه مع امي

حسام _ سيبي الملوخيه وتعال..
قصدي سيبي امك وتعالي حالا !؟

سندس _ طيب في حاجه ولا ايه

حسام _ لما تيجي هتعرفي !؟

قفلت مع سندس ووطلعت علبة سجاير من جيبي ولعت سجاره ونا بحاول افتكر كل اللي حصل .. بحاول افهم .. اي سر الراجل اللي في الدور العاشر

وايه معني الجمله اللي هو قالها دي
لو الاستاذ جابر مات اول واحد في الدور الاول

بعديها بيوم عم صبحي في الدور الثاني
يبقا كده الدور علي مين !!!!!!!!!؟

قطع سرحاني صوت جرس الباب فتحت بسرعه لقيتها سندس
____________________

سندس _ ايه يبني في ايه

حسام  _ ركزي معايا اوي يسندس وجاوبي علي اللي هسألك عليه

حسام  _ انا عاوز اعرف البحث ولا المعلومات اللي انتي بتعمليه دي وخصوصا معني كلمة قرابين

سندس _ طيب ما تتفرج علي فلم هاري بوتر الجزء التاسع

حسام  _ ما هي مش ناقصه هزار امك بدل ما هديكي بالقفاه

سندس _ خلاص خلاص القرابين دي اللي هما البشر وبعض الحيوانات النادره بيستدخدمهم الشخص اللي بيحضر جن من العالم الاخر عشان يحقق ليه بعض الامنيات او يخليه عنده سلطه مش عند حد  وكل ما يكون نسبة التضحيه كبيره اللي هو يعني القرابين كل مايكون الشخص ده طلبه كبير

جابر _ طيب ركزي معايا كده انا هحكيلك دلوقت عن حاجه مهمه اوي وتقولي هل الكلام بتاعك ده متعلق بيه ولا لا

حكيت لي سندس كل حاجه من ساعت لما صحيت من النوم علي حريق شقة الاستاذ جابر لحد حواري مع الظابط ا
البنت بانت عليها علامات الخوف والرعب

سندس _ انتا عارف معني الكلام ده ايه الراجل العجوز ده بيحضر مصيبه عندو فوق

حسام _ مصيبه ايه الراجل ده بيحضر جن !؟

سندس _ ياريته بيحضر جن اللي يخليه يضحي بعدد كبير زي ده يبقي بيحضر لي مارد او شيطان ليه سلطه كبيره

حسام _ ينهار اسود ومهبب

سندس _ الساعه كام معاك

حسام _ الساعه 10

سندس _ احنا لازم نتصرف يا حسام مفيش وقت الدور عليك كمان ساعتين مع بداية اليوم الجديد انتا القربان الثالث

حسام _ طيب هنعمل ايه

سندس_ انا هبلغ البوليس دلوقت لازم نقتحم شقة الراجل ده ونمنعه من تحضير المارد ده يا حسام

طلعت سندس تلفونها لكن مفيش شبكه غريبه ان شقتي مفهياش شبكه

سندس _ مفيش شبكه انا هنزل اكلمه من تحت في الشارع مش هغيب

حسام _ طيب يا سندس ماشي

طلعت سجاره ونا مرعوب مش عارف افكر حاسس ان كل حاجه بتسود قدامي حااسس ان انهارده هيكون يومي الاخير

بصيت في الساعه لقيتها 11  استغربت جدا وقلبي دق ببس ببس ازاي هيا مش كانت 10 من شويه الوقت بيجري ليه

طلعت تلفوني الساعه فعلا 11
رن جرس الباب جريت عليه عشان افتح دخلت سندس وكان باين عليها علامات الحزن او ال لامبالاه

حسام _ مالك يا سندس كلمتي البوليس

سندس_  لا خد التلفون حاول انتا انا هدخل الحمام !؟

حسام _ في حاجه حصلت

سندس _  لامفيش

طلعت البلكونه .. ونا بفتح التلفون بحاول ارن علي البوليس لكن مفيش فايده ليه الوقت ده 
مفهوش شبكه انا مش عارف

كل اللي في بالي دلوقت اني لازم اسيب الشقه ايوه لازم اسيب الشقه حالا من غير تفكير
قبل ما ادخل من البلكونه

التلفون رن

وكان المتصل سندس !!؟

سندس بترن ازاي وتلفونها معايا !؟

رديت علي التلفون

_ الو

سندس _ ايه يا حسام بقالي ساعه واقفه علي الباب برن الجرس انتا فين ياحسام

حسام _ اييييييييييييه !!!!!!!!!؟

ساعة ايه اومال مين اللي معايا في الشقه دي وفي الحمام !!؟

سندس _ اخرج بسرعه من عندك يا حسام اخرج بسرعه .. دي مش انا 
خلاص الوقت بيعيدي الساعه 11 ونص لازم تخرج يا اما....... الخط قطع

حسام _  الو  الووووو سندس انتي روحتي فيين سندس
الوووووو الوووووو يا اما ايه ياسندس يا سندس

دخلت من البلكونه وكانت هنا الصدمه الكبيره الكهرباء قطعت والتلفون فصل شحن  والبلكونه اتقلفت لوحدها وسامع صوت بيقول 
الدور عليك !!؟؟

 وأنا واقف لوحدي منتظر الموت كل اللي علي لساني هو اشهد ان لا إله الا الله وان محمدا رسول الله

حاسس بيه حاسس ان في حد معايا فيه الاوضه

_ انتا مين

سمعت صوت غريب اوي صوت غليظ انا حاسس ان ده هو الراجل العجوز
او مش حاسس انا متأكد من كده

_ نهايتك خلاص يا حسام .. انتا القربان الثالث

_ لا .. انا مش القربان الثالث القربان الثالث ده هيكون انتا
خلصت الجمله دي من هنا ورحت هاجم عليه مكنتش شايفه اوي لكن كنت حاسس انو فعلا قدامي

بداء يقول في كلام مش مفهوم . ونا بحاول اكتم نفسه لكنه بيقاوم  لحد ما ضربني بي سكينه كانت معاه في ظهري  حسيت اني مش قادر مش قادر اقاوم هموت هربت منه لاني مش شايف حاجه

ممكن الضربه التانيه تموتني ده لو ممتش من ىالضربه الاولي في نزيف في ظهري
قلعت التيشرت اللي انا لابسه ولاربطه علي الجرح دخلت علي باب الشقه .. بحاول افتحه  لكن مش عارف وسامع وسامع صوت

سندس وصوت ناس كتير اوي بره واضح انهم مش عارفين يوصلو ليا
بحاول افتح لكن مش عارف وهنا كانت المفاجاه الضربه التانيه

ضربني بي السكينه في بطني نزلت علي الارض ونا مش قادر اعمل حاجه
حسيت ان خلاص دي النهايه ومفيش امل

لو قاومت معاه هنزف كتير وهموت
ملهاش لازمه اموت ونا كده احسن بدات الدموع تنزل من عيني ونا عارف ان دي نهاتي خلاص
بدات اقول اشهد ان لا إله إلا الله وان محمد رسول الله

لقيت مره واحد الراجل العجوز ده صرخ مره واحده

افتكرت حاجه مهمه انا زاي ناسي ربنا انا ازاي ناسي ربنا هو اللي هيخرجني من اللي انا في
فضلت اكرر واقول

أعوذ بالله الكريم وبكلمات الله التامات التي لا يجاوزهن بر ولا فاجر من شر ما ينزل من السماء وشر ما
عرج فيها وشر ما ذرأ في الأ رض وشر ما يخرج فيها ومن فتن الليل والنهار ومن طوارق الليل والنهار إلا
طارقا يطرق بخير يا رحمن.
يارب يارب  يارب
حسيت ان الصوت بيقرب اوي عليا من بره  لحد ما الباب اتفتح وكل حاجه اسودت حواليا
بعد مرور تسعة ايام
في مستشفي

سندس _ حمدلله علي سلامتك يا حسام

حسام _ الله يسلمك يا سندس ايه اللي حصل

سندس _ انتا الحمدلله نجيت وطلعت بالسلامه

يدخل ظابط الشرطه من باب الغرفه لكي يقول

ظابط الشرطه _ حمدلله علي سلامتك يبطل يلا شد حيلك عاوزينك تقوم بي السلامه كده

حسام _ عملتو ايه مع الراجل العجوز

ظابط الشرطه _ انهو راجل عجوز

حسام _ الراجل اللي كان بيحاول يقتلني في الشقه

ظابط الشرطه _ هو كان فيه فعلا حد بيحاول يقتلك لكن احنا لسه متوصلناش للقاتل

حسام _ اييييييييه ازاي الكلام ده ده ده ده كام معايا في الشقه ياباشا انتي بتقول ايه

ظابط الشرطه _ صدقني يا حسام يبني مفيش حد كان معاك

ثواني كده يا حسام جالي تلفون

_ الو يبني في ايه .... انتا بتقول ايه .... امتا الكلام ده حصل وازاي حصل
ونتو كنت فين ساعتيها طيب انا جاي حالا

حسام _ في ايه يباشا

ظابط الشرطه _ حصل انفجار في العماره وكل اللي فيها ماتو !!!!؟؟

حسام _ انتا بتقول ايه .. يعني ايه الكلام ده يعني ايه كل اللي فيها ماتو يباشا اللي عمل كده الراجل العجوز اللي في الدور العاشر انتا لازم تصدقني لازم تصدقني يباشا

ظابط الشرطه _ انتا لازم تستريح يا حسام وتحمد ربنا انك مكنتش موجود ساعتيها

حسام قضي حياته في صدمه صدمه مش عارف يخرج منها فخ وقع فيه ليه البشر ممكن تعمل اي حاجه في سبيل اغراء شهوتها ليه الانسان بطبعية الحال اناني

للاسف القصه خلصت 
 نظريتي كا كاتب اني نهاية العالم هتيجي من انانية الانسان انانية الانسان اللي محتاج يعمل كل حاجه لوحده سلطه لوحد كل حاجه لوحده حتي لو علي حساب قتل ناس تانيه ملهاش ذنب ومع مرور السنين علي ذالك الوضع سوف تنتهي البشريه قريبا جدا جدا


في النهاية نشكرك على حسن تتبعك

راجين أن تتابع وان وورد ليصلك كل جديد
الوسوم:

ليست هناك تعليقات:

إرسال تعليق

إعلان في أسفل التدوينة

إتصل بنا

نموذج الاتصال

الاسم

بريد إلكتروني *

رسالة *